ხელოვნური ინტელექტის ინსტრუმენტები

შეისწავლი ხელოვნური ინტელექტის ძირითად ცნებებს, ტიპებსა და გამოყენების სფეროებს, ასევე პასუხისმგებელი AI-ის პრინციპებს ეთიკის, უსაფრთხოებისა და მონაცემთა დაცვის თვალსაზრისით. ისწავლი ეფექტიანი prompt-ების შემუშავებას, დიალოგური ინტერაქციის დაგეგმვას და უსაფრთხოების საკონტროლო მექანიზმების გამოყენებას AI სისტემებთან მუშაობისას. გაეცნობი AI სერვისებისა და მოდელების (OpenAI, Anthropic, Google და სხვ.) API-ის საშუალებით გამოყენებას და კონფიგურაციას, ასევე დაეუფლები Python-ს AI ამოცანების გადასაჭრელად. გარდა ამისა, ისწავლი მონაცემების მომზადებასა და დამუშავებას AI ხელსაწყოებისთვის, მათ შორის ცოდნის ბაზისა (Knowledge Base) და RAG არქიტექტურისთვის, ავტომატიზებული და აგენტური სამუშაო პროცესების შექმნას, AI გადაწყვეტების ხარისხის ტესტირებასა და მონიტორინგს, ხელოვნური ინტელექტის მმართველობის (AI Governance) პრინციპებს ორგანიზაციულ და სამართლებრივ კონტექსტში. პროგრამა მოიცავს სრული ციკლის (End-to-End) AI გადაწყვეტის დამუშავებასაც, დემონსტრირებასა და ტექნიკურ დოკუმენტირებას, რაც მიღებული ცოდნის რეალურ გარემოში გამოყენებაში დაგეხმარება.